Minjtë “bamboo” në tavolinat kineze
Për shumë njerëz, minjtë janë mysafirë të padëshiruar në shtëpi. Por në Kinë, ato shpesh mund të jenë një racion i “shijshëm”.
Minjtë “bamboo” , të konsideruar si një burim i mundshëm i koronavirusit, kanë qenë një ushqim shumë i kërkuar ndër shekuj në Kinë dhe shquheshin për “vlerën e tyre ushqyese”.
Minjtë “bamboo”, siç transmeton Daily Mail, mund të peshojnë deri në pesë kilogramë dhe një madhësi trupore deri në 45 centimetra. Thuhet se ngrënia e këtij lloji të minjve është një zakon i hershëm që në kohën e Dinastisë Zhou (1046-266, P.K).
Sipas mjekësisë tradicionale kineze, mishi i tyre mund të detoksifikojë trupin e një personi dhe mund të përmirësojë ndjeshëm funksionet në stomak. Megjithëse ekziston një teori që virusi korona lindi në një treg kafshësh në Wuhan (origjina e virusit), kinezët ende nuk i shkëputen traditës dhe minjtë janë ende prezentë në tryezat e tyre të ngrënies.