Ministrja e Arsimit Hykmete Bajrami priti Shefin e Misionit të OSBE-së në Kosovë
20/02/2020, 16:33
Ministrja e Arsimit, Shkencës, Teknologjisë dhe Inovacionit, Hykmete Bajrami, priti sot shefin e misionit të OSBE-së në Kosovë, Jan Braathu, me të cilin bisedoi për gjendjen në arsim dhe prioritet për ta përmirësuar dhe zhvilluar sistemin arsimor në të gjitha nivelet, transmeton Klan Kosova.
Braathu e uroi Bajramin për detyrën e re dhe theksoi se OSBE do të jetë gjithmonë në dispozicion për të ofruar mbështetje në realizimin e qëllimit për ngritje të cilësisë në arsim.
Bajrami e falënderoi shefin e OSBE-së në Kosovë për punën që ka bërë nëpër vite kjo organizatë, ndërsa e informoi atë me programin e Qeverisë së Kosovës për sektorin e arsimit, për realizimin e të cilit është shumë e rëndësishme mbështetja e partnerëve zhvillimorë.
