Ministria e Shëndetësisë publikon shifrat e të infektuarve në secilën komunë të Kosovës
Ministria e Shëndetësisë ka publikuar hartën e përhapjes së COVID-19 në gjitha vendet e Kosovës.
Në gjithë vendin, nga 13 marsi e deri më tash janë infektuar 4 mijë e 307 persona, kurse janë shëruar 2 mijë e 95 të tjerë. Ndërkaq, luftën me këtë virus e humbën 94 persona.
Kurse, tani janë 2 mijë e 118 raste aktive me COVID-19, përcjellë FaktePlus.
Në këto harta që publikoi ministria del që Prishtina kryeson me numrin e të infektuarve. 1 mijë e 220 persona kanë rezultuar pozitiv në testin e COVID-19, ndërsa aktive janë 879 raste. Ndërsa, 12 persona të vdekur janë vetëm nga Prishtina.
Me numrin e te infektuarve pason Vushtrria me 397, ndërsa 104 raste i ka aktive. Nga Vushtrria janë 8 persona që kanë vdekur shkak i virusit.
Më poshtë sjellim fotografitë që tregojnë shifrat e të infektuarve, të shëruarve dhe vdekjeve në secilën komunë.
Po ashtu Ministria e Shëndetësisë ka treguar edhe shifrat e të infektuarve në raport me vendet e rajonit.