Ministri Çeku takohet me ekipin e filmit “Zgjoi”
![](https://fakteplus.net/wp-content/uploads/2021/12/Screenshot-2021-12-29-193833.jpg)
Ministri i Kulturës, Rinisë dhe Sportit, Hajrullah Çeku ka mirëpritur ekipin e filmit “Zgjoi”, film i cili ka gëzuar një sukses tejet të madh e së fundmi ka hyrë në listën e ngushtë për nominim nga “Oscars”.
![Foto: Hajrullah Çeku/ Facebook](https://paparaci.com/wp-content/uploads/2021/12/270292868_1254825458361370_7094723659160626025_n.jpg)
Çeku ka thënë se institucionet e shtetit janë duke i ofruar gjithë mbështetjen e nevojshme në rrugëtimin e tyre.
“Ky është ekipi i filmit “Zgjoi” që po bën historinë drejt çmimit prestigjioz Oskar. Institucionet e shtetit janë duke e ofruar gjithë mbështetjen e nevojshme në këtë rrugëtim të përbashkët”, ka shkruar Çeku në postimin e tij në Facebook.
Tutje ai ka thënë se ndihet i kënaqur për takimin që kanë zhvilluar dhe kohën që kanë kaluar bashkë dhe se artistët kosovarë po vazhdojnë të na përfaqësojnë dinjitetshëm e gjithashtu kinematografia e Kosovës është duke ecur në hap me botën.
“Kënaqësi e veçantë takimi i sotëm dhe koha që kaluam bashkë. Artistët tanë vazhdojnë të na përfaqësojnë dinjitetshëm. Kinematografia e Kosovës është duke ecur në hap me botën”, ka shkruar ai.