Mijëra persona protestojnë kundër vaksinimit në Bruksel

Protesta paqësore u mbajtën sot në Bruksel nga mijëra demonstrues, të cilët u mblodhën për të protestuar kundër masave kufizuese të vendosura nga qeveria belge, për të kundërshtuar rritjen e papritur të numrit të infeksioneve dhe shfaqjen e virusit korona.

Disa protestues marshuan me postere ku shkruhej “zonë e lirë”, “Unë pata dozën e vaksinës” dhe “mjaft ishte mjaft”.

Protestuesit janë kundër thirrjeve të qeverisë për t’u vaksinuar, përfshirë vaksinimin e detyrueshëm të punonjësve shëndetësorë, të cilët rrezikojnë të humbasin punën e tyre nëse nuk vaksinohen që nga 1 janari.

Komisioni Evropian me seli në Bruksel ra dakord sot me kompaninë farmaceutike Pfizer/BioNTEch për të përshpejtuar shpërndarjen e vaksinave kundër koronavirusit.

Thuhet se kompania do të dorëzojë 20 milionë doza shtesë vaksinash, nga janari në mars në vendet anëtare të Bashkimit Evropian.

Protesta belge vjen një ditë pas protestave të ngjashme në kryeqytete të tjera, përfshirë Parisin dhe Londrën.

Vendet në të gjithë Evropën kanë ndërmarrë masa më kufizuese për të frenuar një valë të re të infeksioneve me koronavirus të nxitur nga lloji omicron shumë i transmetueshëm.

Organizata Botërore e Shëndetësisë tha në raportin e saj të fundit këtë fundjavë se lloji omicron i koronavirusit u zbulua në 89 vende.