Merkel thotë se mund të tërhiqet nga gara për kreun e BE
Kancelarja gjermane, Angela Merkel, pranoi të mërkurën se ajo mund të detyrohet të heqë dorë nga zgjedhja e saj për liderin e ardhshëm të Komisionit Evropian, në kuadër të frymës së kompromisit.
Duke raportuar në parlamentin gjerman, për përpjekjet e dështuara javën e shkuar për të zgjedhur ekipin e ri që do të reformojë bllokun në vitet e ardhshme, Merkel tha se një samiti i radhës, të dielën, mund të rezultojë sërish i pafrytshëm.
Merkel tha se shpresonte që procesi sidoqoftë, do të respektonte parimin e kandidatit prioritar, sipas të cilit partia që ka marrë më shumë vota në zgjedhjet evropiane, do të ketë e para fjalën për postet kryesore.
“Gjërat janë shumë të komplikuara këtë radhë ndaj duhet të vazhdojmë të kërkojmë për një zgjidhje”, ka thënë në fjalën e saj Merkel.
Kandidati i preferuar për partitë popullore është gjermani Manfred Weber. Por, Presidenti francez, Emmanuel Macron dhe pesha të tjera të rënda në BE, thonë se ai nuk ka karizëm të mjaftueshme për këtë post.