Megajahti që kushton 400 milionë dollarë
Ai është jahti për të cilin sot po flasin të gjithë. Koncepti 400 milionë dollarësh i dizajnerit norvegjez Kurt Strand ka rrëmbyer vëmendjen jo vetëm për luksin e shfrenuar, por edhe risitë që sjell.
“California” do të jetë i pajisur me një makineri që krijon dallgë artificiale brenda pishinës së ndodhur në bordin e tij, ka ujëvarën e vet dhe një sistem shkripëzimi që e kthen ujin e detit në ujë të pijshëm.
Superjahti 135 metra i gjatë e çon praktikisht luksin në nivele të reja. Në të gjendet edhe një bar, një klub nate, një dhomë për lojëra elektronike, palestër me banjo turke brenda, një qendër masazhi e një “Spa”.
Por nuk mbaron me kaq, sepse pronarit i duhet edhe një kinema personale me 24 vende e një “showroom” për makina klasike.
Megajahti 8.000 tonësh është llogaritur të ketë një shpejtësi maksimale prej 20 nyjesh detare. Fuqinë ia shton një bateri 60-tonëshe litiumi, e aftë për dy milionë vat elektricitet.
Strand thotë se, ndërtuesit më të mëdhenj të megajahteve kanë shfaqur tashmë interes për këtë projekt dhe janë të gatshëm ta vënë në jetë.