Mbi 2 mijë raste aktive me koronavirus në Kosovë, më shumë të shëruar se aktiv
Kosova po vazhdon të përballet me numër të madh të të infektuarve nga pandemia Covid-19. Aktualisht në vendin tonë janë 5 mijë e 617 raste me koronavirus, prej tyre 2 mijë e 811 të shëruar dhe 130 të vdekur.
Që nga 13 marsi kur edhe u regjistruan rastet e para me Covid-19 në Kosovë, janë testuar 30.567 persona në dyshimtë në virusin SARS-CoV-2.
Prej tyre 5 mijë 617 raste kanë rezultuar pozitive, me gjithsej 130 vdekje. Numri i të shëruarve deri më sot ka arritur në 2.811, ndërsa 2 mijë e 676 raste mbesin aktive.
“Numri total i rasteve pozitive është 5.617 raste nga 30.567 persona të dyshimtë në virusin SARS-CoV-2, me gjithsej 130 raste të vdekjes të cilët kanë pasur sëmundje të tjera shoqëruese. Gjatë 24 orëve të fundit, janë shëruar 171 pacientë derisa numri i përgjithshëm i të shëruarve deri më sot është gjithsej 2.811 raste, kurse numri i rasteve aktive është 2.676”, thuhet në raportin e fundit të IKSHPK-së.
