Mbappe tregon nëse do të transferohet te Reali

Ylli i PSG-së, Kylian Mbappe është përmendur disa herë se mund të transferohet te Real Madridi.

Futbollisti me vlerën më të madhe në treg aktualisht, është duke e treguar veten te skuadra franceze dhe gjigantët evropian janë të interesuar për të.

Megjithatë, francezi në një intervistë për BBC ka thënë se aktualisht nuk është momenti të flitet për një transferim pasi që është në kulmin e sezonit me PSG.

“Të gjithë flasin për këtë. Kur isha i ri, flisja edhe unë kështu. Por tani unë jam profesionist dhe e di se nuk është koha. Jemi në janar. Imagjinoni që unë t’i përgjigjem pyetjes tuaj dhe të them diçka. Të gjithë do të flisnin për të dhe nuk do të ishte mirë për PSG“, tha Mbappé./FaktePlus