Mashtrimet me patent-shofer, sërish aksion në rajonin e Pejës
![](https://fakteplus.net/wp-content/uploads/2021/11/auto_Policia-e-Kosoves1556781700-770x418-1-600x360-6.jpg)
Policia e Kosovës, Drejtoria për Hetimin e Krimeve Ekonomike dhe Korrupsionit në koordinim me Prokurorin e Shtetit është duke zhvilluar një aksion në qytetin e Pejës.
Lajmin e ka konfirmuar për Telegrafin, kryeprokurori i Pejës, Agim Kurmehaj.
“Po mund të ju konfirmoj se është duke u zhvilluar aksioni, por detaje tjera do të bëhen publike më vonë”, tha ai.
Sipas informatave të deritanishme, aksioni po zhvillohet kundër veprimtarisë së kundërligjshme me patent shofer.
Aksion i ngjashëm nga organet përgjegjëse ishte zhvilluar edhe para disa ditësh në rajonin e Pejës, ku edhe kishte rezultuar me arrestimin e disa personave.