Macroni kundër ndryshimit etnik të kufijve

Kancelarja gjermane, Angela Merkel, bashkë me presidentin francez, Emmanuel Macron, pritën gjatë ditës së djeshme liderët e gjashtë shteteve të Ballkanit Perëndimor, si dhe liderët e Kroacisë e Sllovenisë, në Samitin e Berlinit.

Në orët e pasdites u zhvillua takimi kryesor formal i ngjarjes, ndërsa në orët e mbrëmjes u shtrua një darkë për pjesëmarrësit.

Kryesues i Iniciativës Evropiane për Stabilitet (ESI), Gerald Knaus, përmes një postimi në Twitter, tha se mbrëmë, në darkën e Samitit të Berlinit, presidenti francez Emmanuel Macron, kishte një mesazh të fuqishëm për liderët e mbledhur ballkanikë: “Nuk mund të ketë ndryshime etnike të kufijve. Multietniciteti duhet të mbrohet në Ballkanin Perëndimor”.

Vet Knaus vlerëson se ky është një lajm i mirë që e bën takimin e Berlinit me vlerë. /FaktePlus