Lutfi Haziri: Nuk e kemi dashur në këtë mënyrë dorëheqjen e Haradinajt
Nënkryetari i LDK-së, Lutfi Haziri ka thënë se partia e tij nuk e ka dashur në këtë mënyrë dorëheqjen e Haradinajt, por Kosova tashmë është në zgjedhje.
“Ne nuk e kemi dashur në këtë mënyrë dorëheqjen e Haradinajt, por Kosova tashmë është në zgjedhje. LDK kërkon nga presidenti i Republikës që ta ushtrojë detyrën kushtetuese dhe ta caktojë datën e zgjedhjeve sa më shpejtë”, ka thënë Haziri.
Ai tha se nuk ka nevojë që të thellohet kriza politike.
“Vendi, situata aktuale politike dhe vetë akti i dorëheqjes, kërkon legjitimitet politik e jo formula artificiale për të vazhduar mandatin për ndonjë javë ose muaj. Çdo tendencë për zhagitje i përngjan vetë koalicionit PAN, i cili sot është zhag për toke. Kjo është arsyeja që gjithmonë e kemi bërë përgjegjës PAN-in për gjendjen në vend, e jo veç kryeministrin”, ka thënë ai.
Pra, zgjedhjet sipas Hazirit, i përcakton sovrani, e jo PAN-i.