Lladrovci, familjeve të dëshmorëve, invalidëve e veteranëve: Votojeni PDK-në

Kryetari i komunës së Drenasit, Ramiz Lladrovci, u ka bërë thirrje familjeve të dëshmorëve, invalidëve dhe veteranëve të luftës që të dalin me 6 tetor në zgjedhje dhe të votojnë Partinë Demokratike të Kosovës dhe liderin e saj, Kadri Veseli.

Lladrovci ka thënë se duke votuar PDK-në dhe Kadri Veselin, qytetarët kanë vendosur që të kenë shtet pa korrupsion, shtet me gjasa e mundësi të barabarta, shtet të zhvilluar, përkrahje ndaj rinisë e shëndetësi të përparuar për të gjithë.

Statusi i plotë i Ramiz Lladrovci:

Familjar i dëshmorit, invalid e veteran i luftës,

Të nderuar kontribuues për çlirim, bashkëveprimtarë, bashkëluftëtarë, motra e vëllezër,

Qytetarë me të drejt vote,

Ditë e madhe po vjen, për Ty dhe Shtetin!

Dil e voto më 6 Tetor, dil e voto për më të mirin, më të drejtin, më të besueshmin, për ta ndërtuar të ardhmen tonë të përbashkët, në Republikën e Kosovës.

Kosova ka pasur, ka dhe do të ketë gjithmonë atdhetarë që i prijnë proceseve historike. Këto procese, janë të lidhura me rrethanat e krijuara nga liderët, i tillë, është Kadri Veseli.

Lideri Kadri Veseli, tashmë i ka dhënë vulë shumë proceseve të pakthyeshme pozitive për shtetin dhe kombin, duke i takuar historisë. Ai i prinë vendit tonë drejt idealeve dhe vlerave të dëshmorëve tanë, për shtet ligjor, ndërmarrësi dhe inovacion dhe perspektivë për të gjithë, me prioritet të rinjtë dhe gratë.

Dil e voto, mos rri. Bëje vizionin tënd vepër, duke votuar numrin 112.

Qytetarë, mik, kur voton PDK me numrin 112, me Kadri Veselin Kryeministër, ti ke thënë:

Dua shtet pa korrupsion,

Dua shtet me gjasa e mundësi të barabarta,

Dua shtet të zhvilluar, ku ndërmarrësia dhe inovacioni do të jenë kryefjala e të rinjve tanë,

Dua përkrahje për arsim cilësor që shkon krah konkurrencës globale,

Dua shëndetësi të përparuar për të gjithë,

Dua përkrahje për fëmijët, rininë dhe avancimin e të rinjve, shkollim dhe aftësim,

Dua mbrojtje e kujdes më të mirë social,

Dua ambient më të mirë dhe infrastrukturë të përparuar,

Dua siguri për pronën time,

Dua kulturë, sport dhe aktivitete ku rinia jonë manifeston talentin e vet,

Dua të integrohem sa më parë me vlerat euro-atlantike.

Dua…manifestimin dinjitoz të shtetit dhe shtetësisë.

Prandaj, Voto Kadri Veselin, 1, dhe katër kandidatë tjerë të cilët rrezatojnë mirësi, profesionalizëm, moral e përkushtim për Republikën e Kosovës, qytetarët dhe vizionin tënd.

Dil e voto, më 6 tetor, me krenari!

Voto 112, voto Kadri Veselin! /FaktePlus