Lituania nga sot nuk importon më energji nga Rusia

Ministri lituanez i Energjisë tha se blerjet e gazit, naftës dhe energjisë elektrike nga Moska po ndalen për të treguar “solidaritet” me Ukrainën dhe për të shkurtuar fondet për “makinerinë ruse të luftës”.

Ai shpreson se kërkesat për energji elektrike mund të plotësohen nga prodhimi vendor i energjisë së gjelbër.

Lituania, një ish-shtet sovjetik dhe një anëtar i NATO-s, është një aleat i fortë i Ukrainës.

Pavarësisht pushtimit të Ukrainës, Rusia vazhdon të sigurojë karburant për shumë vende evropiane.

Megjithatë, furnizimi me gaz i Finlandës u ndërpre dje pasi ajo refuzoi kërkesën e Moskës për të paguar në rubla, shkruan BBC