Laura Fazliu shton edhe një medalje bronzi
10/11/2020, 8:38
Dy medalje brenda pak ditësh dhe të dyja në nivel kontinental për xhudisten Laura Fazliu.
Pas medaljes së argjendtë të fituar javën e kaluar në Kampionatin Evropian U-21, këtë herë sportistja jonë fitoi të bronztën në Kampionatin Evropian U-23, që po mbahet në Poreq të Kroacisë.
Pas tri fitoreve, dhe një humbjeje në gjysmëfinale të kategorisë -63 kg, ajo kërkoi të bronztën përballë sllovenes, Zarja Tavcar.
Fazliu në luftën për të bronztën mposhti sllovenen dhe në përgjithësi shënoi katër fitore e një humbje.
Në anën tjetër, Erza Muminoviq (-48 kg) dhe Flaka Loxha (-57 kg) u ndalën në raundin e dytë.
