Ky është propozimi i Rusisë për të fshehur shkallën e vërtetë të humbjeve të trupave në luftë

Inteligjenca nga Ministria e Mbrojtjes së Mbretërisë së Bashkuar ka publikuar raportin e saj të fundit në lidhje me situatën në Ukrainë

Rusia ka shënuar avansim të vogël në disa zona që kur e ndërroi synimin e saj për të okupuar tërësisht Donbasin. Pa mbështetje të mjaftueshme logjistike dhe ushtarake në gatishmëri, Rusia ende nuk ka arritur ndonjë arritje domethënëse.

Vendimi i Rusisë për ta rrethuar, në vend se për ta sulmuar fabrikën e çelikut Azovstal në Mariupol nënkupton se njësitë ruse mbesin fikse në qytet dhe nuk mund të rivendosen. Mbrojtja ukrainase e Mariupolit gjithashtu i ka lodhur shumë njësi ruse dhe e ka zvogëluar efektshmërinë e tyre ushtarake.

Ministria ruse e Mbrojtjes ka propozuar që kompenzimi në pagesë për familjet e atyre që kanë vdekur të mbikqyret nga ushtria dhe jo nga zyrtarët civilë. Ky propozim me gjasë pasqyron një dëshirë për të fshehur shkallën e vërtetë të humbjeve ruse nga popullsia e brendshme.