Kurti viziton familjen Jashari

Kryeministri Albin Kurti ka vizituar familjen Jashari në Prekaz, pasi të hënën ka vdekur Havë Jashari, motra e komandantit të Ushtrisë Çlirimtare të Kosovës, Adem Jashari.

Zyra e Kryeministrit njoftoi se Kurti është mirëpritur nga vëllai i të ndjerës, Rifat Jashari dhe anëtarë të tjerë të familjes. Në njoftim u tha se Kurti iu shprehu ngushëllime për Havë Jasharin “që do ta kujtojmë gjithmonë me mall”.

“Aty u mirëprit nga Baca Rifat, vëllai i të ndjerës, dhe anëtarë tjerë të familjes, të cilëve kryeministri Kurti u shprehu ngushëllime të sinqerta për humbjen e më të dashurës së tyre, Havë Jashari-Gashi, që do ta kujtojmë gjithmonë me mall dhe admirim për kujdesin, dashurinë dhe përkushtimin e madh e të pashtershëm për familjarët dhe miqtë e saj”, thuhet në njoftim.