Kurban Bajrami nëpër botë
Myslimanët në mbarë botën po festojnë Kurban Bajramit, festën e sakrificës. Daily Mail ka publikuar mënyrën se sin ë mbarë botën është shënuar kjo festë me therjen e kurbanëve: qingja, dhi dhe lopë.
Fotografi të publikuara nga Daily Mail nga mbarë bota, paraqesin burra, gra e fëmijë duke festuar festën e dytë më të madhe të myslimanëve – Kurban Bajrami.
Kurban Bajrami është një nga dy ditët e shenjta për myslimanët që festohet çdo vit. Fotografië që D.Mail i publikon nga Pakistani, tregojnë burrat duke therur dhim lopë e qingja për këtë festë.
“Më shumë se 10 milionë kafshë që kushtojnë rreth 3 miliardë euro theren gjatë kësaj feste”, thotë Asociacioni për Mbrojtjen e Kafshëve në Pakistan.
Therja e kafshëve, bëhet në këtë festë nga myslimanët, si shenjë e sakrificës, të cilën e ndajnë në tri pjesë: njërën për familje, njërën për të afërmit dhe një për të varfërit.
Ky akt, bëhet për nder të profetit Ibrahim, si shenjë e sakrificës, ku sipas shkrimeve të shenjta, ai deshti ta bëj ‘kurban’ djalin e tij për Zotin (ashtu sic thuhet në Kuran). Sidoqoftë, kur profeti Ibrahim deshti ta bëj kurban djalin, Zoti ia ndaloi këtë akt duke e urdhëruar ta ther një qingj (sipas Kuranit).