Krasniqi tregon skenarët që mund t’i prodhojë seanca e nesërme në Kuvend
Albert Krasniqi nga Democracy Plus, vlerëson se nesër seanca për votimin e Qeverisë Hoti mund të prodhojë dy situata.
Sipas tij ose mund të fitojë mandatin për udhëheqje Qeveria në krye me Avdullah Hotin e LDK-së, ose në rast dështimi, Kuvendi shpërndahet nga Presidenti.
”Është një situatë e re sepse po ndodhë që për herë të parë po tentohet të formohet një qeveri pa partinë e cila ka dalur fituese e zgjedhjeve”.
”Përfshirë edhe vendimi i Gjykatës Kushtetuese, e bënë edhe më të ndjeshme situatën. Kjo qeveri akoma nuk e ka të sigurt nëse ka votat e mjaftueshme për ta fituar mandatin”.
A mund të prodhojë befasi seanca e nesërme?
”Nesër mund të kemi dy situata. Ose mund të votohet por nëse LDK dështon atëherë Kuvendi shpërndahet nga Presidenti dhe zgjedhjet caktohen brenda 40 ditëve”.
