Koronavirusi, Kosovës i vijnë edhe disa ndihma
Ministria e Shëndetësisë përmes një njoftimi ka bërë të ditur se ka pranuar sot një donacion prej 100000 maskave dhe 10350 litrave me dezinfektues nga shteti i Polonisë.
Sipas njoftimit, ky kontigjent i ndihmës, është dorëzuar sot në depon e Ministrisë së Shëndetësisë.
“Ministria e Shëndetësisë ka pranuar sot një donacion prej 100 000 maskave dhe 10 350 litrave me dezinfektues për nevoja të profesionistëve dhe institucioneve shëndetësore, donacion nga shteti i Polonisë. Ky kontigjent i ndihmës, i cili është dorëzuar sot në depon e Ministrisë së Shëndetësisë është pjesë e ndihmës polake për shtetet e Ballkanit Perëndimor.
Zyrtarë të MSh-së, të cilët kanë pranuar donacionin kanë falënderuar autoritetet polake, për këtë kontribut të vlefshëm në përgjigjen e mëtejme të Kosovës kundër pandemisë së virusit Corona, Covid-19”, thuhet në njoftimin e Ministrisë së Shëndetësisë.