Khabib e fsheh gruan që shumë vite, kjo është fotoja e vetme e saj
Legjenda e UFC-së, Khabib Nurmagomedov është pensionuar nga UFC në stilin e kampionit.
Të shtunën mbrëma ai arriti fitoren e radhës dhe të fundit në karrierë.
Bilanci 100% në karrierë tashmë e ka bërë atë një emër të veçantë në sport.
Jeta e tij është përfolur shumë, ndërsa ka dhënë vazhdimisht mesazhe në mbështetje të familjes. Khabib është i martuar, por asnjëherë
nuk ka treguar në fotografi gruan e tij.
Megjithatë, mediat i kanë nxjerrë në pah një foto të gruas. Një foto e para disa viteve tregon ish-kampionin rus me bashkëshorten e tij.
Duke e ditur se Khabib është predikues i fesë islame, edhe gruaja e tij është e mbuluar.
Ata u martuan në fshatin Kirovaul afër Makhachkala ku jeton Nurmagomedov. Ishte një martesë e madhe që kremtohej nga i gjithë fshati; sipas babait të Khabib, gjatë gjithë ditës në dasmë erdhën pothuajse 4000 njerëz.
Vendi i dasmës kishte një kapacitet prej 1200 personash dhe ata duhej të ndërronin mysafirët nga tre herë për t’i lejuar të gjithë brenda. Kostoja e një dasme kaq të madhe ishte vetëm rreth 700,000 rubla (pak më shumë se 10 mijë dollarë) dhe gjysma e saj ishte paguar nga miqtë e familjes.