KEK-u zbaton planin B ndaj koronavirusit
Korporata Energjetike e Kosovës ka marr vendim që prodhimi i saj në bëhet në dy ndërrime jo sa ishte në tri.
Nga nesër në prodhim do të punohet në dy ndërrime.
Në një njoftim të KEK-ut thuhet se shkak i masava ndaj koronavirusit kjo e fundit ka marr vendim që ta zbatoj planin B në mënyrë që të mbrojtjes së punëtorëve nga virusi.
Njoftimi i plotë i KEK-ut:
KEK-u aktivizon planin B – nga nesër në prodhim punohet me dy ndërrime
Të nderuar punonjës të KEK-ut,
Ashtu siç kishte paralajmëruar ditë më parë DM. z. Njazi Thaçi, me qëllim të parandalimit dhe mbrojtjes së punëtorëve të korporatës nga korona-virusi (COVID-19) Komiteti i Sigurisë në nivel të Korporatës ka vendosur që nga nesër e Hënë dt:23.03.2020, në PRODHIM do të punohet me dy ndërrime nga 12 orë, ndërsa në MIRËMBAJTJE do të punohet ne GRUPE vetëm në ndërrimin e parë gjithashtu me orar 12 orë, hap ky që do të shmang në masë lëvizjen e punëtorëve të cilët udhëtojnë nga të gjitha trevat e Kosovës.
Kjo nënkupton operimin e departamenteve si ne vijim:
PRODHIMI – do të vazhdojnë të operojnë me katër ndërrime A, B, C dhe D por ndërrimi do të ketë 12 orë punë dhe atë 07:00-19:00 dhe 19:00-07:00
MIREMBAJTJA – do të operoj në dy ndërrime A dhe B dhe atë në orarin 07:00-19:00 (kjo nënkupton një ditë ndërrimi A ndërsa ditën tjetër ndërrimi B, dhe vazhdon në këtë cikël). Në rast të mungesës së personelit të mirëmbajtjes për organizim në dy grupe A dhe B, është detyrë e DE dhe departamenteve përkatëse të divizionit të bëjnë riorganizimin e mirëmbajtjes në kudër të një ndërrimi.
Përndryshe, duke qenë se KEK prodhon qymyr dhe energji elektrike, një nga produktet elementare për jetesë për gjithë qytetarët e Kosovës, menaxhmenti i KEK-ut falënderon të gjithë punëtorët për angazhimin maksimal gjatë këtyre ditëve dhe konsideron që Ju jeni heronjtë të këtij vendi duke ju renditur në vijë me stafin mjekësorë, atë të FSK-së dhe policisë së Kosovës. menaxhmenti i KEK-ut, njëherësh siguron të gjithë punëtorët se do t’i marrin të gjitha masat në nivel korporate për ruajtjen e shëndetit dhe mbrojtjen nga infektimi dhe përhapja e këtij virusi në KEK.
Për më tepër, KEK-u ka filluar përgatitjet me kohë duke marr masat e duhura që nga dt: 10/03/2020 në ngritjen e vetëdijesimit në koordinim dhe duke marrë këshilla nga Instituti Kombëtar i Shëndetit Publike të Kosovës (IKSHPK). Bazuar në këshillat dhe rekomandimet e Institutit për parandalim dhe luftimin e këtij virusi KEK-u ka filluar dezinfektimin e hapësirave në të gjitha njësitë prodhuese dhe poashtu në autobusët që transportojne punëtorët. Pastaj, bazuar në vendimet e Qeverisë ka filluar reduktimin e stafit ku ka qenë e mundur por pa rrezikuar prodhimin dhe operimet. Si hapë të parë jane liruar punëtorët me sëmundje kronike dhe moshat me të vjetra.
KEK-u edhe përkundër vështirësive që ka hasur në fillim për furnizimin me shumicë të pajisjeve mbrojtëse (maska, doreza dhe dezinfektues) tani ka arritë që ti sigurojmë për disa ditë dhe janë marrë të gjitha masat që këto pajisje të sigurohen edhe për ditët në vazhdim.
SHËNIM:
I.) Në vijë me masat mbrojtëse nga të gjithë punëtorët që shfrytëzojnë transportin e KEK-ut, kërkohet që të respektojnë rregullat si në vijim:
o Secili punëmarrës i KEK-ut të plotësojë listen e prezencës në autobus.
o Secili punëmarrës përfshirë edhe shofarat duhet të vendosin maskat dhe dorëzat dhe te mbaje distancën.
II.) Për çdo informatë shtesë në lidhje me gjendjen e krijuar si pasojë e përhapjes se pandemisë (COVID-19) mos hezitoni të kontaktoni Kordinatorin e shtabeve të emergjencave në nivel të Korporatës kontaktet e të cilit i gjeni tek drejtorët/menaxheret e juaj
III.) Bashkangjitur gjeni: Informata të përgjithshme për mbrojtjen kundër pandemisë së korona – virusit (COVID-19)
Me respekt,
Departamenti për Marrëdhënie me Publikun dhe Komunitete
KORPORATA ENERGJETIKE E KOSOVËS