Jashari: Ideali jonë është që t’i shërbejmë qytetarit

Kandidati për Kryetar të Komunës së Skenderajit, Bekim Jashari ka përsëritur fjalët e Rifat Jasharit për t’iu shërbyer qytetarëve.

“Vazhdo kështu në shërbim të vendit e qytetarëve, do ta kesh çdo herë mbështetjen e familjes”, ishin fjalët që i përseriti mixha Rifat, gjatë vizitës që na bëri në zyrën e listës sonë të pavarur”, ka shkruar ai.

Ndërsa edhe deputeti i PDK-së Bekim Haxhiu i ka dhënë mbështetje Bekim Jasharit për kryetar të Skenderajit në zgjedhjet e 17 tetorit.

Ai sot ka qëndruar në zyret e Iniciativës së Bekim Jasharit. E ky i fundit ka publikuar një fotografi së bashku me Rifat Jasharin, si dhe Bekim Haxhiun.

Postimi i plotë:

Vazhdo kështu në shërbim të vendit e qytetarëve, do ta kesh çdo herë mbështetjen e familjes”, ishin fjalët që i përseriti mixha Rifat, gjatë vizitës që na bëri në zyrën e listës sonë të pavarur.

Faleminderit i dashur mixhë, të kam premtuar që ashtu siç jam betuar para varrit të babës Shaban, babushit Hamëzes, Komandantit Legjendar, Adem Jashari, familjes sime dhe varreve të dëshmorëve, do të vazhdoj të punoj deri në frymen e fundit, me transparencë dhe duar të pastra, në jetësim të idealit dhe amanetit të dëshmorëve, për një jetë më të mirë për të gjithë.

Vazhdojmë bashkë për ideal!