Italianja punonte në Klinë, kryetari i komunës thërret mbledhje emergjente

Njëra nga dy viktimat e shënuara me koronavirus në Kosovë, ishte shtetasja italiane nga Klina, për këtë ka reaguar menjëherë,  kryetari i Komunës së Klinës, Zenun Elezaj, ka thënë se komuna do të mbajë mbledhje emergjente.

Përmes një postimi në Facebook, Elezaj ka njoftuar për mbajtjen e një mbledhje emergjente për vendosjen e masave për mbrojtjen nga kjo pandemi.

“Ju njoftoj që në ora 20:00 do të mbajmë mbledhje të shtabit emergjent të Komunës së Klinës ku do të vendosim për masat që do të ndërmirren për mbrojtjen nga kjo pandemi, të cilat do të jenë të rrepta e po ashtu në bashkërendim me masat e qeverisë”, ka shkruar Elezaj.

Ministri i Shëndetësisë, Arben Vitia, në konferencën e jashtëzakonshme, ka konfirmuar se kanë dalë dy raste pozitive me koronavirus në Kosovë./FaktePlus