Itali, vazhdon të bie numri i rasteve me koronavirus
20/07/2020, 18:18
Italia ka raportuar 190 raste të reja me koronavirus nga 24.253 teste të bëra përbrenda periudhës së fundit një-ditore, ka bërë me dije Agjencia e Mbrojtjes Civile të hënën.
Numri i përgjithshëm i të infektuarve, nga shifrat e fundit, është rritur në 244.624, shkruan Repubblica.
Siç shkruhet në buletinin e përditshëm të Ministrisë së Shëndetësisë, Italia ka raportuar edhe 13 vdekje, 8 prej të cilave ishin në Lombardi.
Vendi ka raportuar edhe 213 të shëruar nga virusi korona.
Numri i mjekëve që kanë vdekur në Itali nga Covid-19 është rritur në 174.
