Instagram me një aplikacion të ri, që ndihmon të verbërit

Instagram shfrytëzon Inteligjencën Articiale për tu ardhur në ndihmë të verbërve që nuk arrijnë të shquajnë fotot e postuara aty

Me anë të Inteligjencës Articiale. Instagram bën të mundur që të ketë një përshkrim të fotos përmes përfshirjes së një teksti automatik që shoqëron çdo foto, për të gjitha ata përdorues që kanë të instaluar një aplikacion të posaçëm në gjendje të lexojë tekstet edhe në sit-e dhe aplikacione të tjera.

Funksioni shfrytëzon teknikën e njohjes së objekteve për të gjeneruar një përshkrim të detajuar të fotos, duke i dhënë kështu të gjithë të verbërve që përdorin platformën, mundësinë që të “shohin” fotot.

Një mënyrë tjetër që përdoret nga Instagram është alternativa e njohjes automatike të objekteve përmes përshkrimit që i bëjnë atyre vetë ata që i kanë postuar për të lehtësuar kështu “shikimin” nga përdoruesit e verbër.