Ia kishte vjedhur paratë pacientit të vdekur, dënohet infermierja në Shqipëri

Gjykata e Tiranës e përfundoi me një seancë të vetme gjyqin ndaj një infermiereje të spitalit Infektiv në QSUT, të akuzuar për vjedhjen e parave të një pacienti të vdekur nga COVID-19.

30-vjeçarja, Ronida Hysa, u shpall fajtore nga gjykata për akuzën e “Vjedhjes duke shpërdoruar detyrën”.

Ajo u dënua me 5 vjet burgim, dënim që u ul në 3 vjet e 4 muaj për shkak të gjykimit të shkurtuar.

Në kërkimet përfundimtare, prokuroria kërkoi dënim me 6 vjet për infermieren Hysa, ndërsa e akuzuara kërkoi ndryshim të kualifikimit të akuzës, raporton a2news.