I infektuari me COVID-19 hyn në një bankë në Suharekë

Kosovarët po vazhdojnë të mos i zbatojnë rekomandimet e IKSHPK-së për masën e vetizolimit.

Madje, një person në Suharekë, ani pse ishte konfirmuar pozitiv me koronavirus, as nuk e mori parasysh rrezikun që shkakton dalja e tij jashtë shtëpisë.

Sipas raportit të Policisë, i njëjti ka shkuar në zyret e një banke.

“Është iniciuar rast ndaj të dyshuarit mashkull kosovar pasi që i njëjti derisa ishte me Covid 19, ka hyrë në zyrat e një banke”, thuhet në raportin e Policisë.