I infektuari i fundit nga Suhareka ka pasur kontakte të shumta

Kryetari i Suharekës, Bali Muharremaj, ka thënë se i infektuari i fundit nga Semetishti ka pasur kontakte të shumta me qytetarët nga fshati i tij, e po ashtu edhe me të tjerë nga Suhareka, Vraniqi dhe Dobërdelani.

Përmes një postimi në Facebook, ai u ka kërkuar qytetarëve që ta marrin shumë seriozisht këtë pasi mund të shkaktojnë dëme të mëdha.

Muharremaj u ka bërë thirrje qytetarëve sërish që të qëndrojnë në shtëpi.

Postimi i plotë:

Merreni situatën serioze, sepse me moskujdesin tuaj mund të shkaktoni dëme të mëdha.

I infektuari i fundit nga Semetishti ka kontaktuar me qytetarë nga fshati i tij e poashtu edhe me të tjerë nga Suhareka, Vraniqi dhe Dobërdelani.

Këto informacione po i ndaj me ju ngase duhet ta kemi kujdesin e duhur dhe t’i respektoni rregullat.

Nuk kemi nevojë për panikë, por ju lutem qëndroni në shtëpi.

Bali Muharremaj