Hyseni premton transformimin e Parkut të Pishave në Podujevë

Kandidati për kryetar të Podujevës nga Lidhja Demokratike e Kosovës, Ekrem Hyseni ka njoftuar se këtë fillim javë ka qëndruar te Parku i Pishave të këtij qyteti.

Ai së bashku me bashkëpunëtorë tha se projektet dhe planet për këtë pjesë të qytetit nuk do të mungojnë në qeverisjen e tij.

“ U mblodhëm te Parku i Pishave, për një takim plotë përmbajtje me të rinj të qytetit. Biseduam për projektet që kemi në plan, ndërsa me fokus u ndalëm në projektin për Transformimin e Parkut të Pishave, në favor të përmbushjes së kërkesave të banorevë dhe në projektin për Ndërtimin e Qendres Multifunksionale, për zhvillimin e aktiviteteve rekreative dhe sportive”, ka shkruar Hyseni.