Hoxhaj takon të moshuarit dhe pensionistët në Suharekë: Në qeverinë e rimëkëmbjes rriten pensionet për 30% dhe barna falas

FaktePlus 21/01/2021, 12:52

Shpërndarje

Kandidati për kryeministër nga radhët e PDK-së, Enver Hoxhaj, ka treguar se mëngjesin e sotëm e ka nisur me një vizitë në shtëpinë e të moshuarve në Suharekë dhe më pas ka vazhduar një takim me pensionistët, me të cilët luajti edhe një lojë.

Përmes një statusi në Facebook, Hoxhaj ka thënë se në shtëpinë e të moshuarve ku ishte bashkë me humanistin Halil Kastrati, u zotua që si kryeministër i ardhshëm do ta ketë prioritet kujdesin shtetëror për të moshuarit.

Ai u zotova që si kryeministër i ardhshëm në qeverisjen e rimëkëmbjes, do të rrisw pensionet për 30% dhe do të sigurojë barna falas.

“Të moshuarit, nuk përfaqësojnë moshë, por historinë e njerëzve të zakonshëm të Kosovës që e kanë ngritur vendin tonë me punë dhe përkushtim”, ka shtuar Hoxhaj.

Nga aty, ai tha se ishte takuar edhe me pensionistët në Suharekë, me të cilët luajti edhe një lojë ëu dhe shtoi se me ta bisedoi edhe për rimëkëmbjen qw I duhet vendit dhe veçmas çfarë iu duhet atyre përgjatë rimëkëmbjes.

Lexoni të plotë shkrimin e Enver Hoxhajt:

Sot e fillova mëngjesin me të moshuarit në Suharekë, aty ku tash e disa muaj kanë gjetur përkrahjen, kujdesin dhe dashurinë në shtëpinë e dedikuar për ta nga shoqata “Jetimat e Ballkanit”.

Së bashku me humanistin Halil Kastrati, bisedova me shumë prej tyre dhe u zotova që si kryeministër i ardhshëm në qeverisjen e rimëkëmbjes, do të rrisim pensionet për 30% dhe do të sigurojmë barna falas.

E për ta nderuar traditën e pensionistëve tanë, u ndala për të shijuar një lojë ëu me ta, ku përveç respektit, biseduam edhe për rimëkëmbjen që na duhet dhe veçmas çfarë iu duhet atyre përgjatë rimëkëmbjes.

Të moshuarit, nuk përfaqësojnë moshë, por historinë e njerëzve të zakonshëm të Kosovës që e kanë ngritur vendin tonë me punë dhe përkushtim.

Ata janë pjesë e rrëfimit tonë të përbashkët dhe meritojnë trajtim e kujdes të plotë. Për ta, duhet qasje e dinjitetshme dhe me dinjitet. Këtë edhe do ua mundësojmë me qeverisjen e PDK-së.

Shpërndarje