Hamza pret drejtorin menaxhues për ekonomi, politikë dhe qeverisje të BERZH-it
Në këtë takim u bë e ditur se portfolio e investimeve me BERZH-in kap vlerën 307 milionë euro, pjesa dërmuese e kësaj vlere investohet në infrastrukturën publike, nga të cilat disbursime janë diku 193 milionë euro në sektorin publik dhe atë privat.
Në anën tjetër drejtori menaxhues për ekonomi, politikë dhe qeverisje në BERZH Mattia Romani, shprehu gatishmërinë e institucionit të tij për vazhdim të bashkëpunimit dhe të ndihmës ndaj Kosovës edhe më tutje, qoftë përmes asistencës teknike, apo përmes financimit të projekteve me rëndësi për qytetarët dhe institucionet e Kosovës.
Të dyja palët vlerësuan se vetëm me ndërtim të partneriteteve si ky mes Ministrisë së Financave dhe Bankës Evropiane për Rindërtim dhe Zhvillim, Kosova mund të implementojë reforma strukturore për zhvillim të qëndrueshëm.