Grenell i thotë Veselit: SHBA kërkon t’i japësh mbështetje heqjes së taksës menjëherë
Përfaqësuesi Special Presidencial i Shteteve të Bashkuara të Amerikës, Richard Grenell, i është përgjigjur kryetarit të Partisë Demokratike të Kosovës, Kadri Veselit, duke i thënë se SHBA kërkon t’i japësh mbështetje heqjes së taksës, menjëherë.
Grenell në një reagim në llogarinë e tij zyrtare në Twitter i është drejtuar Kadri Veselit sot gjatë ditës, duke i thënë se Shtetet e Bashkuara të Amerikës janë duke kërkuar heqjen e taksës dhe se Albin Kurti ka të drejtë kur thotë se do ta heqë atë.
We are grateful to President Trump for the continued attention and care that he demonstrates towards Kosovo. We know that we are on the right track in any process when we have the US support. Many thanks to Amb @RichardGrenell & Nat. Se.Adv. @robertcobrien for the decisive role https://t.co/XlWjKJ1WsJ
— Kadri Veseli (@KadriVeseliKS) January 21, 2020
E pak më vonë, Veseli i është përgjigjur ambasadorit Grenell duke i thënë se Kurti është gënjeshtar.
Ndërsa Grenell para pak minutave, i është kundërpërgjigjur përsëri Veselit duke i thënë se SHBA kërkon t’i japësh mbështetje heqjes së taksës menjëherë.
“Unë jam i gatshëm të bisedoj me ju në çdo kohë për t’ua shpjeguar pse Shtetet e Bashkuara mendojnë se duhet të mbështesni heqjen e taksës 100%, menjëherë”, ka shkruar Grenell në Twitter.