Gjendet trupi i shtatë pas rënies së një autobusi në lum në Spanjë
Është gjetur trupi i shtatë në veriperëndim të Spanjës pasi një autobus pasagjerësh doli nga një urë dhe u zhyt në një lum të tejmbushur, duke çuar numrin e të vdekurve në 7 dhe dy të plagosur, thanë autoritetet të hënën, shkruan Reuters.
Trupat u gjetën në rrjedhën e poshtme pasi u pikasën nga një helikopter shpëtimi, u tha gazetarëve përfaqësuesi i qeverisë spanjolle në rajonin e Galicisë, Jose Minones.
Më herët të hënën, përpjekjet e kërkim-shpëtimit rifilluan pas një raportimi për personin e zhdukur të paraqitur nga djali i viktimës dy ditë pas aksidentit.
Autoritetet kishin përfunduar më parë operacionin pas gjetjes së gjashtë trupave dhe shpëtimit të dy të mbijetuarve, pasi besonin se numri i njerëzve në autobus kur u rrëzoi, ishte tetë bazuar në informacionin e dhënë nga të afërmit e viktimave.
Numri i përgjithshëm mbeti i paqartë gjatë gjithë fundjavës për shkak të mospërputhjeve në dëshminë e shoferit 63-vjeçar, i cili i mbijetoi rënies me lëndime të lehta dhe u nxor nga lumi nga zjarrfikësit së bashku me të mbijetuarën tjetër, një pasagjere femër që ka mbetur e shtruar në spital.
Kryeministri Pedro Sanchez tha në Twitter se ishte “i tmerruar nga aksidenti tragjik”, duke shprehur ngushëllimet e tij për familjet e viktimave.
