Fjalët prekëse të Besarta Jasharit në ditëlindjen e babait
Heroi , Hamëz Shaban Jashari, sot ka ditëlindjen.
Djali i Shaban Jasharit dhe vëllau i komandantit legjendar, Adem Jasharit, Hamëza mbush 70 vjet.
Për ditëlindjen e tij, ka shkruar edhe vajza e tij, Besarta Jashari.
Ajo përmes një postimi në profilin e saj në Facebook, ka kujtuar kohën që ka kaluar me babanë e saj sa ishte fëmijë, përcjell FaktePlus.
Besarta, ka shkruar se është nder, privilegj por edhe përgjegjësi që të jetë bija e tij, andaj ka thënë se me krenari do ta ruan çdo kujtim për të.
Postimi I saj I plotë:
…për ditëlindjen tënde babush.
Mbase me kalimin e kohës, vetëm kujtimet e mira po mbesin në mendjet tona… kujtimet e mira, po më bëhen edhe më të kthjellta, ku protagonist je babush.
Sot në ditëlindjen tënde, kujtoj momentet qe i kalonim së bashku, mbajë mend që si fëmi – sa po e kuptoja që ishe në odë, me vrap vija.
Në ato kohë të vështira, gjeje kohën të shikonim film, të më ndihmoje në mësime, të më mësoje të vizatoj shqiponjën tonë dy krenare… e pas çdo nate të tillë, të nesërmen isha vajza më e lumtur.
Falëmnderit babush, për aq pak vite sa ishim bashkë, arrite të më mësoje shumë… më mësove çfarë është dashuria, familja, atëdheu…
Është nderë, privilegj por edhe përgjegjësi të jem bija jote, andaj me krenari do të ruaj çdo kujtim për ty, dhe Dylit e Nolit të i tregoj.
Urime ditëlindja babë.
Vajza jote krenare,
Besarta/FaktePlus
