Fillon puna për asfaltimin e rrugës në fshatin Tërn
Drejtues të institucioneve qendreore e lokale kanë marrë pjesë të premten në fillimin e punimeve në asfaltimin e Babush – Tërn – Luboc – Koshare – Slivovë, Ferizaj.
Zëvendësministri i Infrastrukturws dhe Transportit, Rexhep Kadriu deklaroi se falë përkushtimit të ministrisw dhe kreut të qeverisë Ramush Haradinaj, sot po fillojnë punimet për asfaltimin e kësaj rruge në mënyrë që banorëve të kësaj ane t’u mundësohet qasje më e lehtë në destinacionet e tyre.
Ai shtoi se asfaltimi i kësaj rruge u jep fund pritjeve të banorëve të këtij lokaliteti, që janë shkaktuar si rezultat i procedurave të OSHP-së.
Kurse kryetari i Ferizajt Agim Aliu, duke e falënderuar ministrinë dhe angazhimin e deputetëve për realizimin e kësaj rruge me rëndësi për banorët, i falënderoi qytetarët që gravitojnë këtë rrugë për durimin dhe mirëkuptimin e treguar.
Rruga Babush – Tërn – Luboc – Koshare – Slivovë, Ferizaj, është e gjatë 9.7 kilometra, ndërsa vlera e investimit është mbi 1.8 milion euro.