Ferat Shala: Prioritet mbi prioritetet kemi rininë kosovare
Kandidati i Partisë Demokratike të Kosovës (PDK), Ferat Shala është takuar me studentë nga komuna e Drenasit, me ç’rast ka theksuar se në qeverisjen e ardhshme PDK-ja prioritet mbi prioritetet i ka projeksionet për rininë kosovare.
Në këtë rast, Shala tha se studentët dhe rinia si gjithmonë janë motivim dhe inspirim.
Ai shtoi se Kosova është e bekuar me rininë studentore që ka, pasi është një rini me karakter të fortë, rini me plot elan, rini me shumë ëndrra për të ardhmen e vendit tonë.
“Partia Demokratike e Kosovës në programin e saj qeverisës prioritet mbi prioritetet i ka projeksionet e së nesërmes për rininë kosovare. E, në mesin e këtyre studentëve dhe kësaj rinie plot energji pozitive, nuk ka se si të mos ndihem fitues!”, ka thënë mes tjerash kandidati për deputet, Ferat Shala.
