“Faik Konica” me muzikë revolucionare e nis vitin e ri shkollor
Viti i ri shkollor në Kosovë filloi ditën e hënë më 14 shtator.
U bënë plane e përpjekje të shumta për organizimin e nxënësve që ky vit të filloj sa më mbarë.
Është shkolla “Faik Konica” në Prishtinë ajo e cila vitin e ri shkollor e filloi me nxënësit e klasës së gjashtë.
Ekipi i emisionit “Amfiteatër” ishte aty që nga orët e hershme të mëngjesit.
Me pikat e shenjëzuara në ngjyrë të verdhë që paralajmëronin ruajtjen e distancës prej dy metrave, me perkujdesje të stafit akademik ndaj nxënësve të tyre, me mbajtje të distancës nga vetë nxënësit, me maska e me termometra laserik për matje të temperaturës e nën përkujdesje të muzikës revolucionare në fillim e pastaj të hiteve latine e atyre shqiptare, filloi dita e parë e shkollës në “Faik Konica”.
Ngjashëm nisi viti i ri shkollor edhe në komnën e Fushë Kosovës në shkollën “Mihail Grameno”. Me organizim të drejtorit Ismet Gashi, me pikat e shenjëzuara nxënësit hynë brenda objektit të shkollës duke mbajtë distancë.
Shkolla Mihal Grameno është një ndër shkollat me numër më të madh të nxënësve në nivel të Kosovës. Ditën e parë të shkollës aty e nisën mbi 1 mijë nxënës. Edhe pse numri shumë i madh i tyre deri në 48 për klasë, menaxhmenti i shkollës u kujdes që cdo njëri prej tyre të ketë së paku bankën e vet.
Por jo të njëjtin fat e përjetuan edhe nxënësit në disa fshatra të Komunës së Kamenicës. Sipas riogranizimit të nisur nga kryetari Qëndron Kastrati shkollat e fshatit Karacevë e Poshtme, Shipashnicë e Poshtme, Busavatë, Kopërrnicë e Petrit duhet të mbyllen e nxënësit e këtyre fshatrave duhet të dërgohen në shkollë tjetër.
Por si e kanë pritur prindërit, çfarë do të ndodhë në vazhdimësi, cfarë thonë nga drejtoria e arsimit në Komunën e Kamenicës, tregon stroja në vazhdim.