Dy të arrestuar për grabitje në Obiliq

Dy persona të dyshuar për grabitje janë arrestuar gjatë të mërkurës në fshatin Milloshevë të Obiliqit.

Të njëjtit gjatë muajit të kaluar kishin kryer një grabitje të armatosur, thuhet në raportin e policisë.

Pas arrestimit të njërit nga të dyshuarit Policia e Kosovës kishte sekuestruar një pistoletë me 4 fishekë ndërsa më pas është arrestuar edhe personi i dytë në një lokacion tjetër.

Sipas raportit të policisë të dyshuarit pas intervistimit me vendim të prokurorit janë dërguar në mbajtje.

“Lidhur me rastin me datën 04.03.2020 në dy lokacione janë arrestuar dy të dyshuar meshkuj kosovarë, për shkak të dyshimit se kishin kryer veprën e cekur. Te njëri prej të dyshuarve gjatë kontrollit është gjetur dhe është sekuestruar një pistoletë me 4 fishekë. Të dyshuarit pas intervistimit me vendim të prokurorit janë dërguar në mbajtje”, thuhet në raportin 24 orësh të policisë.