Dy aksidente të rënda, vdes një person dhe një tjetër lëndohet
13/02/2020, 8:55
Policia ka bërë të mundur arrestimin në flagrancë të dy drejtuesve të mjeteve.
Sipas informacioneve është arrestuar shtetasi M. A., 24 vjeç, banues në Fushë-Krujë. Ky shtetas duke drejtuar mjetin tip ‘Benz’ ka aksidentuar me pasojë vdekje në Fushë-Tapizë me datë 12.02.2020, këmbësorin shtetasin H. S., 74 vjeç, banues në Kukës.
Ndërkohë është arrestuar edhe shtetasi A. K., 23 vjeç, banues në Shën Vlash, Durrës, pasi duke drejtuar mjetin tip “Volkswagen”, ka aksidentuar këmbësorin shtetasin I. Gj., 54 vjeç, banues në Shën Vlash, i cili ndodhet në spital nën kujdesin e mjekëve, raporton Ora News.
Materialet i kaluan Prokurorisë së Rrethit Gjyqësor Durrës për veprën penale “Shkelja e rregullave të qarkullimit rrugor”.
