“Duket si fundi i botës”, Pekini mbulohet me pluhur të trashë ngjyrë kafe
Kryeqyteti kinez është i mbushur me pluhur të trashë ngjyrë kafe për shkak të erërave të forta që fryjnë nga shkretëtira Gobi dhe pjesë të Kinës veriperëndimore, në atë që zyra meteorologjike e quajti stuhia më e madhe e rërës në dekadë, transmeton Gazeta Express.
Stacioni Meteorologjik Kinez lëshoi një paralajmërim të hënën në mëngjes dhe njoftoi se stuhitë e rërës ishin përhapur nga Mongoli i Brendshëm në provincat e Gansu, Shanxi dhe Hebei, të cilat e rrethojnë Pekinin.
Për ta parë videon, klikoni KËTU.
“Duket si fundi i botës”
Majat e blloqeve në Pekinin qendror mezi dukeshin të hënën në mëngjes dhe qytetarët kishin veshur kapela të improvizuara për të mbrojtur fytyrat dhe flokët e tyre.
“Duket si fundi i botës”, tha banori i Pekinit Flora Zou, 25 vjeç, i cili punon në sektorin e modës, duke shtuar se “në një moemnt si ky, unë me të vërtetë nuk dëshiroj të dal jashtë”.
