Deputeti i Vetëvendosjes në vetizolim nga e diela, sot rezulton pozitiv me Covid-19
Deputeti i Kuvendit të Kosovës nga radhët e Lëvizjes Vetëvendosje, Fitim Uka është vetizoluar që nga dita e diel, pasi i janë shfaqur simptoma të COVID-19 dhe sot e ka marrë konfirmimin nga IKSHPK se është pozitiv.
Këtë e ka bërë të ditur vetë deputeti përmes një postimi në rrjetin social Facebook.
“Që nga e diela më janë shfaqur simptoma të Covid-19. Me rekomandim të mjekut jam izoluar dhe kam respektuar këshillat me përpikëri. Pak më herët kam pranuar telefonatën nga Instituti Kombëtar i Shëndetit Publik, për të më konfirmuar se rezultati i testit tim për Covid-19 është pozitiv”, ka thënë Uka.
Njoftimi i plotë:
Të dashtun,
Që nga e diela më janë shfaqur simptoma të Covid-19. Me rekomandim të mjekut jam izoluar dhe kam respektuar këshillat me përpikëri.
Pak më herët kam pranuar telefonatën nga Instituti Kombëtar i Shëndetit Publik, për të më konfirmuar se rezulati i testit tim për Covid-19 është pozitiv.
Sikurse unë, edhe Yllka ka simptomat e njëjta. Ndërkaq, në këtë periudhë izolimi, për ne po kujdeset Bindi, me dashni e “këshilla profesionale”.
Ju falënderoj të gjithëve për dashninë dhe kujdesin që po tregoni për ne në këtë periudhë jo të lehtë.
Shëndet për ju dhe familjet tuaja.
P.S. Kushdo që ju thotë se është lehtë të ballafaqoni Covid-19, ju gënjen. Kështu që, ndiqni rekomandimet e IKSHPK-së dhe ruani shëndetin tuaj dhe të familjes.