Deputeti i LDK-së pro qeverisë gjithëpërfshirëse për bisedimet me Serbinë
Deputeti i LDK-së, Arben Gashi, e sheh qeverinë gjithëpërfshirëse si një zgjidhje të mirë për interesin e Kosovës, në rastin e dialogut mes Kosovës dhe Serbisë.
Gashi në Klan Kosova, ka thënë që për këtë ka dhënë sinjale edhe Lëvizja Vetëvendosje.
“Për interesin e Kosovës nuk po flas në emër të LDK-së qeveria gjithëpërfshirëse do të ishte zgjidhja më e mirë pasi të gjitha palët do të ishin në tavolinë dhe nuk do të kishte hapësirë për kontestim dhe moskontestimi e qet në një pozitë të favorshme Kosovën dhe kështu të gjithë do të merrnin përgjegjësi dhe merita bashkarisht”.
“Nuk mund të flas në emër të VV-së por mendoj që ka dhënë sinjale që është e gatshme për këto tema por ka dhënë sinjale që është e gatshme edhe në një qeveri gjithëpërfshirëse dhe nuk ka logjikë ta refuzojë”.
