Covid-19 në Itali, ulet numri i të infektuarve, por edhe ai i testimeve

Italia regjistron më pak të prekur nga Covid-19 gjatë 24 orëve të fundit, por duke pasur parasysh se numri i tamponëve të kryer ka pësuar një ulje të madhe.

Nëse një ditë më parë shteti apenin numëron 1766 të prekur, sot janë regjistruar 1494 bazuar në 51 mijë tamponë të kryer kundrejt 87700 të një dite më parë.

Edhe numri i viktimave pëson ulje, 16 kundrejt 17 të një dite më parë.

Ndërkohë lajm i mirë është shtimi i rasteve të të shëruarve: gjatë 24 orëve të fundit kemi 131 të shëruar, 10 nga terapia intensive.