Çmimi i arit tejkaloi vlerën mbi 2000 dollarë
Çmimet e arit kanë tejkaluar nivelin e 2000 dollarëve për ons në tregjet ndërkombëtare, duke reflektuar kërkimin e investitorëve për investime të sigurta në kushtet e luftës ruso-ukrainase.
Çmimet e arit në tregun fizik u hodhën me 1.6 për qind në 2001,21 dollarë për ons. Në kontratat e së ardhmes në tregun amerikan, një ons ari tregtohej me një çmim dy për qind më të lartë, prej 2005,70 dollarë.
Shtëpia e Bardhë njoftoi se po propozon ndalimin e importit të naftës nga Rusia për shkak të pushtimit rus të Ukrainës, i cili mund të shkaktojë stagflacion në ekonominë botërore, që do të thotë se aktiviteti ekonomik do të ngecë ndërsa çmimet do të vazhdojnë të rriten.
Pelosi: Po studiojmë një ligj që do të ndalonte importin e naftës nga Rusia
Kryetarja e Dhomës së Përfaqësuesve të Kongresit Amerikan nga radhët e Partisë Demokratike, Nancy Pelosi, me anë të një letre njoftoi deputetët se po studiohej një projektligj që do të ndalonte importin e naftës dhe energjisë nga Rusia për shkak të intensifikimit të konflikti në Ukrainë.
Në një bisedë telefonike me presidentin turk Tajip Erdogan, presidenti rus Vladimir Putin tha se operacioni i tij ushtarak në Ukrainë po përparonte sipas planit dhe nuk do të ndalet derisa të plotësohen kërkesat e tij ose derisa Kievi të heqë dorë nga lufta.
Sot, në ditën e dymbëdhjetë që nga fillimi i konfliktit, Rusia njoftoi një armëpushim të kufizuar dhe hapjen e disa korridoreve për evakuimin e civilëve nga Kievi, Mariupol, Kharkiv dhe Sumy. Një përpjekje për të evakuuar 200,000 njerëz nga Mariupol dështoi dje sepse forcat ruse shkelën planin e armëpushimit.