Berisha: Në Koshare nuk ka kufoma të ushtarëve serbë
28/05/2021, 21:44
Ushtarët e Ushtrisë Çlirimtare të Kosovës 22 vjet më parë varrosën në Koshare ushtarë serbë të vrarë në dyluftim.
Një xhirim nga autoritet e Beogradit po konsiderohet si dëshmi superiore me anë të së cilës po kërkojnë qasje në terrenin e betejës së famshme për t’i tërhequr eshtrat e ushtarëve.
Kryeprotagonisti i videos më të përfolur në Serbi, është njëri nga komandantët e UÇK-së, Hysen Berisha.
Sipas ushtarakut, kurdo që bëhen gërmimet në Koshare të cilat mund të ndodhin sapo organet e rendit të japin urdhrin, nuk do të ketë gjetje eshtrash aq më pak në vendin e videos.
“Kjo, meqë më 1999 pa ndodhur demiltarizimi i plotë i UÇK-së, një grup ndërkombëtarësh kishin ardhur e mbledhur mbetjet mortore të ushtarëve serbë”.
