Behgjet Pacolli tregon për herë të parë kush do ta trashëgojë pasurinë e tij
Kreu i Aleancës Kosova e Re, Behgjet Pacolli ka treguar edhe për “testamentin e pasurisë” së tij.
Ai thotë se gjithçka ka ndërtuar ai gjatë jetës së tij, e ka ndarë së bashku me farefisin e tij.
“Në mënyrë proporcionale, çka është ndërtuar, është pjesë edhe e të tjerëve. Ju e dini se unë kam një familje të re dhe nuk besoj se familja ime, ndoshta pasi unë të mundoj do të vuaj për diçka”, ka thënë Pacolli për Reporteri.net.
Tutje kryetari i AKR-së, ka thënë se shpreson që vizioni dhe zemërgjerësia do të vazhdojë edhe tek fëmijët dhe nipat e tij, pasi që sipas tij kënaqësia më e madhe është që atë që ke, ta gëzosh edhe me të tjerët.