Aleancës i bashkohet aktivisti i hershëm i ilegales, Agron Xhemajli
Agron Xhemajli është anëtari më i ri i Aleancës për Ardhmërinë e Kosovës.
Kryetari i kësaj partie, Ramush Haradinaj ka njoftuar se Xhemajli i është bashkuar dhe ka mbështetur konceptin 100% shtet.
“Është kënaqësi të pres në familjen e Aleancës për Ardhmërinë e Kosovës, Agron Xhemajlin dhe të pranoj nga ai mbështetjen për konceptin tonë, 100 për qind shtet”, ka shkruar Haradinaj.
Ai ka vlerësuar përvojën e tij jetësore.
“Përvoja e tij e çmuar jetësore, duke nisur nga aktivitetet e hershme ilegale dhe politike, për të vazhduar angazhimin e tij të drejpërdrejtë në luftën çlirimtare të UÇK-së, duke i dalë në ballë shumë organizimeve dhe betejave dhe më vonë edhe në krijimin dhe funksionimin e institucioneve tona dhe shtetndërtim, është vlerë e çmuar dhe bazë e fortë, për të vazhduar rrugën tonë në fuqizimin e Kosovës, ekonomisë, arsimit dhe fushave të tjera me rëndësi”, ka shkruar ai.
Ai ka thënë se arritjet akademike dhe eksperienca e bëjnë të vlefshëm Xhemajlin për AAK-në.
Arritjet akademike dhe eksperienca në institucionet tona e Agron Xhemajlit, janë një tjetër vlerë, që sot i shtohen Aleancës për Ardhmërinë e Kosovës dhe vizionit tonë për një qeverisje, për shtet dhe jetë të denjë! /FaktePlus
