Albulena Haxhiu publikon shpenzimet e saj dhe të Abelard Tahirit për dy muaj qeverisje

Ministrja në detyrë e Drejtësisë, Albulena Haxhiu siç paralajmëroi gjatë javës së kaluar ka bërë publikimin e shpenzimeve të kabinetit të saj, që kur erdhi në këtë post.

Shefi i kabinetit të ministres në detyrë të Drejtësisë, Albulena Haxhiut, Blerim Sallahu ka publikuar shpenzimet gjersa ka shkruar se kjo po bëhet për shkak të spekulimeve dhe shpifjeve nga njerëzit e ish-ministrit të kaluar.

Shpenzimet e para që kanë publikuar janë ato për derivate.

“Për shkak të spekulimeve dhe shpifjeve nga njerëzit e ish ministrit të kaluar, dhe për hirë të transparencës të cilën kemi filluar ta instalojmë në Ministrinë e Drejtësisë, kemi vendosur që t’i publikojmë të gjitha shpenzimet e kabinetit të ish ministrit duke krahasuar me shpenzimet e kabinetit tonë”, ka shkruar ai.

Nga shifrat del de ish ministri Abelar Tahiri për 4 muajt e parë të mandatit ka bërë rreth 6232 kilometra dhe ka shpenzuar rreth 1240 europër derivate, gjersa ministrja aktuale në detyrë për dy muaj ka shpenzuar 84.7 euro, për 550 km.