Aksident në Sllatinë, një person i lënduar
02/12/2024, 8:55
Dy vetura kanë shkaktuar aksident trafiku të dielën në rrugën nacionale Pejë-Prishtinë, konkretisht në Sllatinë.
Aksidenti ka ndodhur rreth orës 20:15, ku lëndime të lehta trupore ka pësuar njëri prej ngasësve, ka njoftuar Policia e Kosovës për KOHËN.
Njësitet policore kanë dalë në vendin e ngjarjes dhe po zhvillojnë hetime lidhur me shkakun e aksidentit. Në vendin e ngjarjes edhe ekipi mjekësor.
Policia e Kosovës iu ka bërë thirrje drejtuesve të automjeteve që në këtë periudhë të ndryshimeve atmosferike të kenë kujdes të shtuar gjatë ngasjes.
